ქართული ტექსტის კონვერტერი

ძველი კოდირებით (AcadNusx, LitNusx, Geo, SP და სხვ.) აკრეფილი ტექსტი გადაიყვანეთ უნიკოდში, ან ჩვეულებრივი ქართული ტექსტი - ძველ კოდირებაში. ყველაფერი თქვენს ბრაუზერში ხდება: ტექსტი სერვერზე არ იგზავნება.

ძველი კოდირება

მიმართულება

ძველი კოდირების ტექსტი

უნიკოდის ტექსტი

შედეგის ნიმუში ფონტით

რა არის ძველი კოდირებები?

უნიკოდამდე ქართულ ტექსტს ლათინური ან სხვა სიმბოლოებით კრეფდნენ, ფონტი კი ამ სიმბოლოების ადგილას ქართულ ასოებს ხატავდა. ასე მუშაობს, მაგალითად, AcadNusx: a კლავიშით აკრეფილი ასო ეკრანზე „ა“ ჩანს, ფაილში კი ლათინური a წერია. ასეთი ტექსტი სხვა ფონტში, ინტერნეტში ან ტელეფონზე გაუგებარ ლათინურ ასოებად იქცევა.

უნიკოდში ყველა ქართულ ასოს საკუთარი კოდი აქვს, ამიტომ ტექსტი ნებისმიერ თანამედროვე ფონტში, პროგრამასა და მოწყობილობაზე სწორად ჩანს. ახალი ტექსტისთვის გამოიყენეთ უნიკოდი და უნიკოდის ფონტები.

როდის გამოგადგებათ კონვერტერი

ძველი Word-ის დოკუმენტი, ცხრილი ან საიტის ტექსტი AcadNusx-ში ან სხვა ძველ ფონტშია აკრეფილი და უნიკოდში გადაყვანა გინდათ.
ქართული ტექსტი „qarTuli“-ს მსგავს ლათინურ ასოებად ჩანს: ესე იგი, ის ძველი ფონტისთვის იყო აკრეფილი.
პირიქით: ძველ ფონტში ჩვეულებრივი ქართული ტექსტის ჩასმა გჭირდებათ, მაგალითად, ძველი მაკეტის ან ბეჭდვის პროგრამისთვის.

როგორ გამოვიყენო

აირჩიეთ ძველი კოდირება. თუ არ იცით, რომელია, დაიწყეთ ლათინური QWERTY განლაგებით (AcadNusx): ის ყველაზე გავრცელებულია.
აირჩიეთ მიმართულება: ძველიდან უნიკოდში ან უნიკოდიდან ძველში.
ჩასვით ტექსტი მარცხენა ველში: შედეგი მაშინვე გამოჩნდება. დააჭირეთ „კოპირებას“.

ყურადღება: ძველ კოდირებაში ლათინური ასოები ქართულს ნიშნავს, ამიტომ ტექსტში შერეული ლათინური სიტყვები (სახელები, მისამართები) და ზოგიერთი სასვენი ნიშანიც გადაიქცევა. შედეგს გადახედეთ.

მხარდაჭერილი კოდირებები

კოდირება	ფონტები	ასოები
ლათინური QWERTY განლაგება	AcadNusx, AcadMtavr, LitNusx, Avaza	`a = ა, b = ბ, g = გ, T = თ`
სტდ8 (Geo, SP)	Geo_Times, ORIS, SPLiteraturuly, Avaza SP	`À = ა, Á = ბ, Â = გ, È = თ`
რუსული განლაგება [ღცუკენ], ვარიანტი 1	Balaveri, Kolkhety, Grigolia, Dumbadze	`f = ა, , = ბ, u = გ, s = თ`
რუსული განლაგება [ღცუკენ], ვარიანტი 2	Literaturuli ITV, Dumbadze-GGE, Kolkheti 98	`f = ა, , = ბ, u = გ, ' = თ`
საბეჭდი მანქანის განლაგება [ღჯუკენ]	Academiury, Kolkhety TeleType	`g = ა, . = ბ, u = გ, f = თ`

ძველი კოდირების ფონტები fonts.ge-ზე ცალკე სიაშია. მათი გამოყენება ახალი ტექსტისთვის არ არის რეკომენდებული. ძველი კოდირების ფონტები · უნიკოდის ფონტები

იხილეთ აგრეთვე: ქართული ტექსტი და უნიკოდი · ქართული კლავიატურა კომპიუტერზე · ქართული კლავიატურა ტელეფონზე

ქართული ტექსტის კონვერტერი

რა არის ძველი კოდირებები?

როდის გამოგადგებათ კონვერტერი

როგორ გამოვიყენო

მხარდაჭერილი კოდირებები

სპონსორები