ინსტრუქციები და ხშირად დასმული კითხვები

მსოფლიოს თითქმის ყველა დამწერლობების მხარდაჭერა ოპერაციულ სისტემებში შესაძლებელია უნიკოდ სტანდარტის მეშვეობით, რომელიც კომპიუტერულ სამყაროში საყოველთაოდ აღიარებული სტანდარტია ტექსტის გამოსახვის, შეყვანისა და მანიპულაციისათვის.

Windows 7-ში ჩადებული ქართული უნიკოდ კლავიატურის განლაგება ემთხვევა ლათინურს, დამატებითი ფაილების გადმოწერა და ინსტალაცია არ არის საჭირო.

ქართული კლავიატურის ლათინური განლაგებით ინსტალაციისთვის მიჰყევით ქვემოთ მოცემულ ინსტრუქციას.

სისტემურ ადმინისტრატორებს, ტექნიკოსებს, ან უბრალოდ მათ, ვინც ახორციელებს სისტემის ინსტალაციას, FONTS.GE მკაცრად გირჩევთ სისტემის ინსტალაციის შემდეგ დაამატოთ ქართული კლავიატურა ლათინური განლაგებით.

საფეხური 1. Control Panel-იდან (START -> Control Panel) გახსენით Region and Language, გადადით Keyboards and Languages-ზე და დააჭირეთ ღილაკს Change Keyboards (სურათი 1).

სურათი 1

სურათი 2

საფეხური 2. დააჭირეთ ღილაკს Add (სურათი 2), მოძებნეთ Georgian, გახსენით Georgian და შემდგომ Keyboard +-ზე (პლუსზე) დაჭერით, მონიშნეთ Georgian (QWERTY) (სურათი 3) და დააჭირეთ ღილაკს OK.

სურათი 3

საფეხური 3. ეკრანის მარჯვენა ქვედა კუთხეში (საათის გვერდით) განთავსებულ ენების ჩამონათვალში დაემატება KA Georgian (Georgia) (სურათი 4).

სურათი 4

შედეგი: კლავიატურაზე მარჯვენა ALT და SHIFT კლავიშებზე ერთდროული დაჭერით ან ეკარანის მარჯვენა ქვედა კუთხეში განლაგებული ენის პანელის KA-ზე გადართვისას, თქვენ უკვე შეძლებთ ქართული უნიკოდით წერას ლათინური განლაგების მიხედვით.

შესაძლოა ასევე გაინტერესებდეთ:

სხვა ინსტრუქციები და ხშირად დასმული კითხვები