ინსტრუქციები და ხშირად დასმული კითხვები

Google Chrome-ის უკანასკნელ განახლებაში (ვერსია 50.0.2661) შეიცვალა უნიკოდის გამოტანის მექანიზმი, რაც ზოგიერთ საიტზე ვიზიტისას იწვევს ქართული დამწერლობის სრულად ან ნაწილობრივ ე.წ. "კუბიკების" სახით გამოტანას (სურათი 1).

სურათი 1

არსებობს პრობლემის აღმოფხვრის ორი მეთოდი.

მეთოდი 1

საფეხური 1. გადმოწერეთ და დააინსტალირეთ განახლებული Segoe UI ფონტი (ვერსია 5.29).

საფეხური 2. დარწმუნდით, რომ DirectWrite ჩართულია, Chrome-ის მისამართის ველიდან შემდეგ მისამართზე გადასვლით: chrome://flags/#disable-direct-write - აქტიური უნდა იყოს Disable (სურათი 2). იმ შემთხვევაში თუ აქტიურია Enable, დააკლიკეთ მას და გადატვირთეთ Chrome.

სურათი 2

მითითებული საფეხურების შესრულებისა და Chrome-ის გადატვირთვის შემდეგ ქართული დამწერლობა კვლავ ხილვადი იქნება (სურათი 3).

სურათი 3

მეთოდი 2

საფეხური 1. გადადით Chrome-ის Settings-ში, დააკლიკეთ Show advanced settings-ს და შემდეგ Customize fonts-ს (სურათი 4). ან ძიების ველში მიუთითეთ fonts და შემდეგ დააკლიკეთ Customize fonts-ს (სურათი 5).

სურათი 4

სურათი 5

საფეხური 2. გამოსულ ფანჯარაში, ყველა ველში აირჩიეთ Sylfaen ან თქვენთვის სასურველი სხვა უნიკოდ ფონტი, რომელსაც სრულად გააჩნია ქართული, ლათინური და სხვა ენების მხარდაჭერა (სურათი 6). ასეთი რეკომენდებული ფონტია DejaVu Sans.

სურათი 6

მითითებული საფეხურების შესრულების შემდეგ ქართული დამწერლობა კვლავ ხილვადი იქნება (სურათი 7).

სურათი 7

შესაძლოა ასევე გაინტერესებდეთ:

ფონტების ინსტალაცია - ინსტრუქცია Windows ოპერაციული სისტემებისთვის